Image3x

UNESCO / Nacionalni Park Durmitor

Svima su poznate destinacije sa UNESCO-ve liste poput Taj Mahal u Indiji, Machu Picchu – Peru, Piramida u Egiptu,Stonehenge u Engleskoj, Grand Canyon – Kolorado, jezero Bled u Sloveniji i td.  Da li ste znali da se na UNESCO-ovoj listi svjetskog prirodnog i kulturnog nasljeđa nalazi i najveći nacionalni park u Crnoj Gori – Durmitor?  NP Durmitor obuhvata masiv planine Durmitor, kanjone rijeka Tare sa 1.500 vrsta biljaka i 130 vrsta ptica. Kanjon Tare je proglašen za Svjetski ekološki rezervat, potom kanjoni Drage i Sušice, kanjonska dolina Komarnice, veliki broj planinskih vrhova 48 preko 2.000mnv. ,18 ledničkih jezera koje su dobile naziv “Gorske oči”. Kao na stotine drugih destinacija širom svijeta, ovaj park je specijalno odabran i zašticen od strane Ujedinjene Nacionalne Organizacije za prosvetu, nauku i kulturu. Ovo mjesto predstavlja izuzetnu vrijednost za čovjecanstvo jer je centar razvoja balkanske flore, sa  alpskim i alpsko-arktičkim flornim elemenatima te su na južnim padinama u  kanjonskim dolinama rasprostranjeni submediteranski, čak i mediteranski florni elementi dok su oko jezera sibirske tajge. Planinske livade i pašnjaci, pukotine stijena, kamenjari, šipari, snježanice, tresave, slatkovodni ekosistemi je sve ono sto čini dragocjenim i neuporedivim ovaj dio jugoistočne Evrope sa drugim krajevima svijeta.

OLYMPUS DIGITAL CAMERA
Nacionalni park Durmitor prostire se na 39 000 hektara(ha), a pod zastitom UNESCO-a je 20 000 hektara njegove površine , koji su od 1980. godine upisani u Svjetsku baštinu. U sastavu Durmitora je i najviši grad na Balkanu, Žabljak smješten na nadmorskoj visini od 1456 metara i opasan sa čak dvadeset i tri vrha viših od 2300 metara.
Njemački geograf Kurt Hassert je rekao:
„Među planinskim divovima južno-slovenskih zemalja, najmoćniji i najveličanstveniji je Durmitor.“

OLYMPUS DIGITAL CAMERA
Kombinacija planina i jezera spadaju u  najljepše prirodne scene za fotografisanje, smatraju ljubitelji fotogradije. NP Durmitor je neiscrpan izvor inspiracije iz kojeg nastaju najljepša djela a njegovo ime “Durmitor” do danas je ostao motiv za interesantne priče. Prema pričama koje se pamte, riječ Durmitor je romanskog porijekla od latinske riječi “dormitorium” i od ove riječi u italijanskom jeziku je nastala riječ “dormitorio” ili “dormire” što znači spavati. U pohodima na ove predjele rimski legionari su pitali “da li planina spava”. Drugo tumačenje imena Durmitor potiče još iz doba Kelta, i koje je po mnogima vjerodostojnije. Tako je ime izvedeno iz keltskog naziva “voda sa planine”  “dru-mi-tor”.

OLYMPUS DIGITAL CAMERA
Specifični vrhovi, kao dominantne figure ističu se i diktiraju ritam. Najupečatljiviji su: BOBOTOV KUK – 2.523m, BEZIMENI VRH – 2.487m, MININ BOGAZ – 2.387m, MEĐED – 2.287m, SAVIN KUK – 2.313m, ŠLJEME – 2.455m, PLANINICA – 2.330m, CRVENA GREDA – 2.175m, PRUTAŠ – 2.393m. Austrijski geograf Oskar Bauman je prvi čovjek koji se popeo na najviši vrh Durmitora – Bobotov kuk, na visini od 2523 metara i njegovi utisci u zapisima “Prvi iskorak na Cirovu pecinu” se i danas citiraju: ‘Istocno od nas širila se jedna pusta, kršima i snježnim smetovima ispunjena kraska dolina, dok nas je sa druge strane pozdravljao zeleni pejzaž, ličili su na dva “tamnoplava oka”.

OLYMPUS DIGITAL CAMERA
Na podrušju Durmitora, u nevjerovatno dubokim i živopisnim dolinama , između planinskih obronaka, opasanih gustim rastinjem, nalazi se sedamnaest glečerskih jezera ili ,kako ih lokalno stanovništvo naziva, ”Gorske oci”. Pomenimo samo neka od njih: Modro, Zminje, Vražje, Riblje, a svakako najpoznatije je Crno jezero koje je tokom zime prekriveno ledom , a u julu i avgustu temperatura vode bude i iznad dvadeset stepeni celzijusa.
Idealni uslovi ovaj planinski masiv čine  izuzetno atraktivnim za takozvani aktivni odmor tokom čitave godine  pješačenje, biciklizam, sportski ribolov, planinarenje, hodanje na krpljama ali na Durmitoru se možemo upoznati i sa kulturno-istorijskim vrijednostima i obići lokalitete sa ostacima praistorijskog doba koji datiraju od Ilirskog i Rimskog perioda. Razni kulturni uticaji ostavljali su svoj pečat u gradnji. Možemo ih prepoznati po karakteristikamam, od Ilira su tumele ili grobne humke, dok iz vrmemena Rimljana specifični su kameni mostovi, cipusi, karavanski putevi na koje možemo naići na ovom području. Nekropole sa stilizovanim stećcima, ruševine turskih mostova i karaula duž stare crnogorsko-turske granice, razvaline drevnog utvrđenja Pirlitor iznad Levera i tri manastira u dolini Tare, u Dobrilovini, Dovolji i u Đurđevića Tari, nastali od XV do XVII vijeka odišu odlikama srednjovjekovnog perioda.

OLYMPUS DIGITAL CAMERA

Sedam područja Nacionalnog parka Durmitor se nalazi pod posebnim režimom zaštite i specificni su: prašuma smrče i jele u slivu Mlinskog potoka, kompleks crnog bora na Crnim podima u kanjonu Tare, Crno jezero sa šumom u neposrednoj blizini, dolina Škrčkih  jezera i uže područje kanjona Sušice, Barno jezero sa najbližom okolinom, Zabojsko jezero sa okruženjem, i uža kanjonska dolina rijeke Tare.
Da li želite da otkrijete i uživate u ljepoti svjetske baštine? Nacionalni Park Durmitor je destinacija koju definitivno ne biste trebali propustiti u životu, pogledajte kako Crno jezero izgleda čarobno zimi.

OLYMPUS DIGITAL CAMERA

OLYMPUS DIGITAL CAMERA

3 thoughts on “UNESCO / Nacionalni Park Durmitor

  1. nisam znao ovaj podatak. Durmitor je predivan, i zasluzuje da bude pod UNESCO kapom. Da li tu spada Zabljak, previse se gradi, nadam se da ce clanstvo da spreci betonizaciju ovog predivnog mesta na kugli zemaljskoj

Leave a Reply

Your email address will not be published. Required fields are marked *